‘Yan Bindiga Sun Fara Shigar Mata Don Kai Hare-Hare A Wasu Yankunan Sokoto

“Yanzu har shigar burtu suke yi, su yi shigar mata su saka hijabi, su shiga gari su labe. Kullum abin da ke faruwa kenan.” In ji Isa Ambarura.

A Najeriya duk da cewa ana samun saukin hare-haren ta’addanci a wasu yankuna, a wasu yankuna kuma ‘yan bindiga suna shigar burtu ta saka suturar mata suna gudanar da ta’asarsu.

A jihar Sokoto wadda har yanzu ana samun koken jama’a a yankin gabashin jihar.

Yankin Illela da shi ma ke gabashin jihar, a cewar jama’ar kusan safiya duk ta Allah sai ‘yan bindiga sun kai farmaki su kashe ko su sace jama’a.

Bello

Isa Ambarura shi ne Wakilin jama’ar yankin a majalisar dokokin jihar Sakoto, ya kuma ce ‘yan bindigan sun sace mutum 7 ciki hadda matar Hakimin kauyen.

Shi ma hakimin kauyen Luggahuru duk a cikin yankin na Illela ya bayyana yadda abin ke addabar jama’ar sa.

Yankin na Illela wanda nan ne iyakar Najeriya da Jamhuriyar Nijar ya kasance sahun gaba inda jami’an tsaro na banga ke taka rawa wajen kare jama’ar su.

Duk da cewa akwai jami’an tsaro na gwamnati a yankin amma a cewar wakilin jama’ar hakan bai hana ‘yan bindigar alcin zarafin jama’ar yankin ba.

Har wa yau wasu mazauna yankin sun nuna damuwa akan yanayin da suka tsinci kansu.

“Yanzu har shigar burtu suke yi, su yi shigar mata su saka hijabi, su shiga gari su labe. Kullum abin da ke faruwa kenan.” In ji Isa Ambarura

Voa

Advertisements

Leave a Reply

Your email address will not be published. Required fields are marked *